Läkem nüüda ka turu pääle raatust kaema, kost kohtusaksa jo omma kodu
lännu lõunat pidama. Kulutagem 10 tenga viinaraha raatuse hoitjale,
et tema luba annap
sisseminna. Eentaren om lagi kena pildidega äramaalitu,
kohtutaren omma saina pääl
kiige kuningide nink keisride kuju näta, kelle valitsue al Narva
liin om olnu. Üts kullane tool näudetas ka, kos meie Keisri vanemba
omma pääl istunu, nink mes mälestuses alal hoietas. Palle ka et
sulle kiik ne vana mundri näudetas, mes
Raadikohtu teendre vanal ajal omma pruuknu, nink mes vääga najaka
omma näta.
Raatuse
lähüksen saisap Põõrsemaja, juba vana
nink pool laonu. Sa tijat jo Riia liina kalendriseletusest, et
kontorisaksa sääratsen majan säetu ajal egapäiva kokutuleva,
kaubaasju pärast nõvvu pidama nink kaupa tõine tõisega tegema.
Vanal ajal tuli siin kül egapäiv enamb 100 kontorisaksa koku, ent
nüüd saisap Põõrsemaja tühi, sest Narva liina kauplemine om
väikus jäänu. Narva
kontorisaksa ei saada muid kaupu laivuga võerale maale, kui seda
ennege,
mes nema liina ümberkaust ehk Pihkvast ostva, nink seda om veidi.
Narva liina mustine suur kauplemine om enambäste kiik Peterbuuri
äralännu.
Kommentaare ei ole:
Postita kommentaar