Suur
Peterburi postitee lät vanast nink vastsest Ivangorodi liinast
keskelt läbi. Vastsen omma
suure laatsareti, kun tõbitsid sõamehi sütitetas. Üle silla jälle
tagasiminnen saame Narva liina. Liinal om seeläbi vanamoodi nägu,
et maja kelbopoolega uulitsa
poole väljakäuva nink vana
nikerdu tööga ehitetu ussede pääl piibli värsikese omma lugeda.
Om
ka sääratsid maju mitmid, mes tühjalt saisva, sest, et nema
kokusadaman omma nink keake ei julgu sisen elada. Usse nink akna omma
lauduga kinni löödu, nink mõnel ei ole õiget peremeestke enam, et
ta võla eest om äravõetu, nink võlanõudja võlavõtjaga ammuke
jo havvan hengava.
Liinan
om kolm kerikut, üks Saksa-
tõine Soomekerik, kolmas Venekerik.
Kui Keiser Peeter 1. liina
Rootslaste käest oli äravõitnu, sis es jä meie usu rahvale
Narvaliinan ei üteke kerikut pärra, enge rahvas pidi raatusen
Jumala orjust pidama. 1726. ajastajal sai Soome kogudusele luba
antus, oma vana puukerikut jälle ülessäeda, mes 1704. ajastajal
sõan oli ärahäetetus saanu. Vasine Soomekerik palli 1773.
ajastajal ära nink tema asemel teti vastne kivikerik üles. Õnnis
Keisrina Anna and Saksa kogudusele vana Rootsi Toomekerikut jälle
tagasi, mes vääga uhkeste maakiviast om tetu nink suurte akendega
ehitetu. Kae neid kolm kirikut väljastploolt nink sisestpoolt läbi
nink pea meelen, mes sa sääl
olet nännu. Kül targemba
mehe kodun sulle äraseletava, mes nema neist teedva nink vanust
kirjust omma opnu.
Kommentaare ei ole:
Postita kommentaar