Edesiminnen näet sa
veel hääd kät ilosat Tõrma mõisa nink saat sis pea üte kotuse
pääle, kun te seeni ajani egakõrd ni pehme ja põhjato moane oli,
et vaivaga enne läbi sait, ent nüüd om Kurema mõisaher, kuulus
mees oma targa valitsuse läbi, seda kotust igavetses ajas
äraparandanu nink seeläbi tahedas tennu, et ta lasknu savitorusid
tee põhja panna, mes vet kraavi sisse kõrvale saatava. Seda kunsti
tetas nüüd jo meie maal mitmin paigun, et vesitse ehk leede nurme
pääl savitorude läbi maa tahedas sunnitas. Mõisniku kea seda asja
mõistva nink sündsan kotusen sääräatsid torusid laskava kolm ehk
neli jalga süvita panna, saava nüüd hääd vilja nurme päält,
kun muste egakord külm nink vesi vilja ärarikse. Inglismaal
om see asi kiige-edimalt ülesvõetu
ja 30 ajastaega äraproomitu nink leütu vääga tululik olevat.
Kooraste Paron Kanepitse
kihelkunan om palju nurmemaad sedaviisi parandanu nink ka Raadimõisa
nurme pääl Tartu liina lähüksen om ildaigu üts nurm savitorudega
ärapantu nink vesi joosep sääl parhilla maa al torusid mööda
sorinal kraavi. Seesama Raadimõisa al Mütta talun Emajõe ja
Tallinna postitee vaijel tetas vabrikun
masinaga sääratsid torusid
nink palutetas pärast ahjun sedasama viisi kuis savikivve palutetas.
Kül võtva ka talumehe pea
seda kunsti pruukma, kui torusid nakatas odavamba hinnaga müüma.
Kagga Rein Nüpli vallan Ottepä kihelkunan, üts hoolikas
taluperemees, om sedaviisi nakanu oma nurme parandama, et tema kraave
nurmest läbileikap, 3 ehk 4 jalga süvita, hagu kraavi põhja panep
nink päält mullaga täudap. Vesi närisep kraavi mööda nurme
põhjast välja nink nurm
jääp tahedas nink kasvatap hääd vilja. Hagu omma kül odavamba
kui toru, ent ei püsi ni kavva, sest et na aigu mööda äramädaneva.
Kommentaare ei ole:
Postita kommentaar