Armas lugeja! Vast
valmistad henda timahaava Narva käugi pääle, kohe igal talvel meie
maa mõisist palju viina kokuveetas. Kalendrimees om sulle jo
seltsimehes löönu Riia ja Tallina tee pääl nink sull' mõnd hääd
seletust andnu nink tululikut jutu sinuga tee pääl ajanu. Timahaava
mõtlep tema sulle seltsimehes lüvva Narva poole nink mõnda sulle
seletada, mes sa pika tee pääl nink Narva liinan näta saat. Kül
olet vast jo mõnikõrd rasse haamiga seda pika teed ärakäunu, ent
seletajat es ole so kõrval, ke sull' oles selgembat teedmist andnu
kiigest, mes sa tiipääl näta sait. Noh, et võta sis minu nüüd
hennega. Egas ma so koormat rassembas ei te, ja viitkem sis te pääl
tulusa jutuga aiga, mes muidu liig pikas lät.
Kommentaare ei ole:
Postita kommentaar